Осы жылдың 13 мамырында «КАЗГЮУ Университеті» АҚ-да психология бойынша Астана қаласындағы жоғары сынып оқушылары үшін «Есте сақтау мен зейінді дамыту тәсілдері» атты тақырыбында семинар өтті.

КАЗГЮУ Маркетинг бөліміндегі ұйымдастырушылар психология бойынша шараның Астана қаласы мектептерімен ынтымақтастықты жүзеге асыру аясында өткізіліп жатқанына назар аударды. Жақын арада басқа мектептердегі оқушылармен осындай үлгіде бірнеше кездесу ұйымдастырылады. Бұл шаралар оқушылардың қысқа мерзімде және аса көп ақпарат көлемінде психологиялық денсаулығының деңгейін бағалауға, алда келе жатқан емтихандар жағдайында бейімделуге, дұрыс бағдарлы машықтарды тудыруға мүмкіндік береді.  

Экономика Жоғары Мектебі Әлеуметтік-психологиялық пәндер кафедрасының аға оқытушысы, кеңес беруші психолог Н.Санникованың айтуына қарағанда, болашақ мамандығын таңдаумен байланысты мұндай жауапкершілігі мол өмірінің кезеңінде балаларға көмек көрсету – өзекті де қажетті міндет және КАЗГЮУ-дің осы үдерістегі көмегі дер кезінде жасалған әрекет.   

Семинарлар топтамасы аясында жоғары сынып оқушылары есті, зейінді, ойлауды дамыту тәсілдерін, ақпараттық ағынмен жұмыс істеуді меңгереді. Осы факторлар, психологтардың пікірінше, болашақта балаларда таңдаған кәсіби қызметіндегі табысты болуын қалыптастыруына мүмкіндік береді.