MAQSUT NARIKBAYEV UNIVERSITY
Құрметті әріптестер!
Симпозиумның үйлестіру кеңесі мен ұйымдастыру комитеті Сіздерді Қазақстан Республикасы тәуелсіздігінің 25 жылдығы аясында өтетін «Түркі-славян филологиясының қазіргі заманғы мәселелері» атты халықаралық ғылыми-практикалық симпозиум жұмысына қатысуға шақырады. Симпозиум 2017 жылғы 12-15 мамырда Қазақстан Республикасының Астана және Көкшетау қалаларында өтеді.
Симпозиум жұмысы түркі және славян филологиясына қатысты неғұрлым жаңа, өзекті тақырыптарды қозғайтын ғылыми еңбектердің зерттеу мәселелерінің маңыздылығын арттыруға, ғылыми айналымға таратуға, сондай-ақ түркі-славистика саласындағы мамандардың кәсіби байланыстарын кеңейтуге бағытталады. Ғалымдар мен практиктерді, филология, тарих, өнер, мәдениет, әлеуметтану, журналистика сияқты ілім салаларының өкілдерін ынтымақтастыққа, түркі-славян мәдениетаралық қарым-қатынасының түрлі бағыттарында өмірге келген ғылыми теориялары мен болжамдары, жаңашыл идеяларымен алмасуға шақырамыз. Симпозиумның мақсаты – түркі-славян филологиясының өзекті мәселелеріне, түркі және славян халықтарының қазіргі заманғы тарихындағы өзіндік ерекшеліктерін іздеудегі мәдениетаралық қарым-қатынас мәселелеріне зерттеушілердің назарын аудару, өзекті филологиялық мәселелерді, мәдениеттер диалогі мәселесін, филологиялық пәндерді ЖОО-да оқып-үйретудің қазіргі жағдайы мен болашағын бірлесе талқылауға шақыру.
Симпозиум жұмысының барысында ұйымдастырылатын тарихи орындарға, мұражайларға саяхат, тақырыптық концерттер мен басқа да іс-шаралар әлемдік мәдени-тарихи мұраның алуантүрлілігі аясындағы Қазақстан Республикасының тарихы мен мәдениеті, салт-дәстүрі мен тұрмыс-тіршілігі туралы таным-білімді кеңейтуге мүмкіндік береді.
Симпозиум туралы ақпаратты Қазақстан Республикасы Білім және ғылым министрлігінің
КАЗГЮУ Университетінің www.kazguu.kz сайтынан алуға болады.
Симпозиумға қатысушыларға сертификаттар беріледі.
Симпозиум жұмысының бағыттары
- – Түркі халықтарының ұлттық мәдениеті және түркі халықтарының орыс тіліндегі әдебиеті: тарих және бүгінгі күн
- – Түркологияның қазіргі заманғы мәселелері
- – Славистиканың қазіргі заманғы мәселелері
- – Түркі және славян тарихы, әдебиеті мен мәдениетінің ортақ құндылықтары
- – Түркі және славян тілдерінің өзара байланысы және өзара әсері: көркем мәтін және публицистика
- – Қазақ/орыс/ағылшын тілі: оқыту әдістемесі. Мәдениетаралық аспектілер.
Редакция алқасы іріктеп алған мақалалар «КАЗГЮУ Хабаршысы. Филологиялық ғылымдар сериясы» және «Ш. Уәлиханов ат. Көкшетау мемлекеттік университетінің Хабаршысы» ғылыми журналдарының кезекті немесе арнаулы (тақырыптық) нөмірлерінде жарияланады.
Симпозиум тілдері: қазақ, орыс, ағылшын тілдері
Симпозуим аясында Дөңгелек үстелдер жұмыс жасайды
КАЗГЮУ Университетінің бастамасы бойынша:
- «Геомәдени кеңістіктегі түркі-славян филологиясы»;
- Жастар алаңы: «Халықтардың тарихы мен мәдениетін зерттеудегі ұрпақтар сабақтастығы»
Ш. Уалиханов ат. Көкшетау мемлекеттік университетінің бастамасы бойынша:
- «Лексикографиялық сипаттамадағы түркі-славян әлемі»
ӨТЕТІН УАҚЫТЫ ЖӘНЕ ОРНЫ
2017 жылғы 12-15 мамыр, Қазақстан Республикасы
Астана қ., Қорғалжын тасжолы, 8, КАЗГЮУ Университеті
Көкшетау қ., Абай к-сі, 8я, Ш. Уалиханов ат. Көкшетау мемлекеттік университеті
Мақалаларды ресімдеуге қойылатын талаптар
Мәтін көлемі – 5-12 бет
- Мәтін MicrosoftOfficeWord 2007 редакторында орындалады
- қарпі – TimesNewRoman
- басты мәтін –12-кегль, жоларалық интервал – 1,0;
- көлденеңінен реттеу;
- бет өлшемі – А4, кітап түрінде;
- өрістер: жоғарғы жағы – 2 см, төменгі жағы – 2,5 см, оң/сол жағы – 2 см;
- абзац бес таңбаға тең (1,25 см);
- беттер нөмірленбейді
- кестелер болса, ені 10,8 см, қаріп өлшемі – 10.
Дерекккөздерге берілетін барлық сілтеме дәйексөзден кейін төрт бұрышты жақшада беріледі (алдымен дереккөз реті, кейін, үтірден соң, бет нөмірі), мысалы, [1, 98]. Сілтемелер мақала соңында «Әдебиеттер тізімі» атауымен мақалада берілу реті бойынша ресімделеді.
Электронды дерекккөздердің мекенжайын көрсету қажет.
Мақала атауы –14-кегль, қою әріппен.
ТАЖ, ғылыми дәреже, ғылыми атақ, лауазым, университет атауы, қала, ел атауы – 12-кегль.
Қазақ және орыс тілідерінде жазылған мақалаға аңдатпа және тірек сөздер ағылшын тілінде, ағылшын тілінде жазылған мақалаға аңдатпа мен тірек сөздер орыс тілінде ресімделеді.
Симпозиумға қатысуға тілек білдірушілер санының өсуіне байланысты өтінімдер мен мақалалар 2017 жылғы 20 сәуірге дейін ұзартылды (келіп қатысушылар үшін де, сырттай қатысушылар үшін де).
Өтінім мен мақала жеке-жеке файл (өтінім-Касенова З.С. мақала-Касенова З.С.) түрінде бағыттар бойынша мына электронды пошталарға жіберіледі:
- Түркі халықтарының ұлттық мәдениеті және түркі халықтарының орыс тіліндегі әдебиеті: тарих және бүгінгі күн.
Түркологияның қазіргі заманғы мәселелері.
E-mail: s_sapina@mail.ru
- Славистиканың қазіргі заманғы мәселелері.
Түркі және славян тарихы, әдебиеті мен мәдениетінің ортақ құндылықтары
E-mail: akingan@mail.ru
- Түркі және славян тілдерінің өзара байланысы және өзара әсері: көркем мәтін және публицистика.
Қазақ/орыс/ағылшын тілі: оқыту әдістемесі. Мәдениетаралық аспектілер.
E-mail: dilda9197@mail.ru
- Жастар алаңы: «Халықтардың тарихы мен мәдениетін зерттеудегі ұрпақтар сабақтастығы»
E-mail: dbb-31.05.kz@inbox.ru
Симпозиумға қатысу үшін ұйымдастыру жарнасы:
- қазақстандық қатысушылар үшін – 10 000 теңге;
- ТМД елдерінен қатысушылар үшін -100 доллар;
- алыс шетелдік қатысушылар үшін – 150 доллар;
- сырттай қатысушылар үшін – 30 доллар.
- Қаржыны симпозиум басталғанға дейін есепшотқа аудару керек.
- Шетелдік қатысушылар жарнаны симпозиум басталардың алдында, тіркеу кезінде төлеуіне болады.
Ұйымдастыру жарнасы симпозиум материалдарын жариялауға, сертификаттарға, жинақты таратуға, тамақтануға жұмсалады.
Жолақысы және тұру ақысы жіберуші жақ тарапынан.
Ұйымдастыру жарнасын төлеу үшін реквизиттер
ТОО “КазГЮУConsulting”
Коргалжинское шоссе,8.
БИН: 081240009314
KZ50826Z0KZTD2003101 в АО “АТФ Банк” г. Астана,
БИК ALMNKZKA
Төлем мақсаты: Симпозиум-2017-ге қатысу үшін.
Келу, орналасу – 2017 жылғы 11 мамыр
Тіркеу: 12 мамыр, сағат 9.00-10.00.
Мәдени бағдарлама.
Симпозиумға қатысушыларға Бурабай, Зеренді, Қарқаралы өңірлері, «АЛЖИР» мұражай кешені сияқты тарихи, мәдени орындарға саяхат, «Астана – Бәйтерек» кешеніне бару арқылы «Астана – үшінші мыңжылдық қаласы» атты шолу саяхаты ұсынылады
Қатысушылардың сұранысы бойынша жеке ақы төлеу арқылы «Думан» (океанариум) ойын-сауық орталығына, Қазақстан Республикасының Ұлттық мұражайына, «Астана-Опера» театрына, Бейбітшілік пен келісім сарайына саяхаттар ұйымдастырылады.
Құрметті әріптестер, Қазақстанның жас та әдемі бас қаласы Астанада күтеміз! Ынтымақтастықпен жұмыс жасаймыз деп үміттенеміз! Сіздердің ұсыныстарыңызды күтеміз!
Ұйымдастыру комитеті
