2017 жылдың 14 ақпан күні ICLON Болашақ түлектері Астанадағы КАЗГЮУ Университетінде кездесті. Кездесу барысында қатысушылар жаңа білімі мен дағдыларын пайдалана отырып, жұмыс орындарындағы жетістіктері жайында бірқатар практикалық мысалдарды келтірді. Кездесуге «Болашақ» бағдарламасының түлектері және бастауыш білім (Астана Инклюзивтік білім орталығы), орта білім (НЗМ Астана халықаралық мектебі) және жоғары білім (Еуразиялық ұлттық университеті, С. Сейфуллин атындағы Қазақ агротехникалық университеті, С.М. Торайғыров атындағы Павлодар мемлекеттік университеті, КАЗГЮУ Университеті)  саласындағы білім беру ұйымдарының өкілдері қатысты.