«Қазақ тілі» курсын аяқтаған студенттер тестілеуден өтіп, өз деңгейлерін растап, ҚАЗТЕСТ сертификатын алуға мүмкіндіктері бар. Бұл үрдіс М.С. Нәрікбаев атындағы КАЗГЮУ Университеті мен Ұлттық тестілеу орталығының ынтымақтастығы негізінде жүзеге асты @testcenterkz @didaroneqz.
Университеттің білім беру жүйесіне қазақ тілі пәнін оқытудың деңгейлік бағдарламасы 5 жыл бұрын енгізілді. Оның жоғары тиімділігі диплом қосымшасының транскрипті, сондай-ақ мемлекеттік тілді меңгеру деңгейін бағалау жүйесі-ҚАЗТЕСТ арқылы расталады.
М.С. Нәрікбаев атындағы КАЗГЮУ Универститетінде 2020 жылдың желтоқсан айында 30-дан астам студент ҚАЗТЕСТ тапсырып, қазақ тілінің Жоғары (С1) деңгейін меңгергендігін растады.
Осы сертификат арқылы олар:
✅ «А» корпусының мемлекеттік әкімшілік қызметіне;
✅ Халықаралық «Болашақ» стипендиясына;
✅ ҚР ҰҚК-нің академиясына;
✅ басқа ұйымдар мен мекемелерге жұмысқа орналасуға үміткер бола алады.
М.С. Нәрікбаев атындағы КАЗГЮУ Университеті студенттерді қазақ тіліне оқытып қана қоймай, сондай-ақ оларды білікті маман болуға даярлайды.