26 қазан күні «Үш би» залында «Маңызды әңгіме» ашық клубы аясында алғашқы кездесу өтті.

«Маңызды әңгіме» ашық клубы – Қазақстан тарихы және жалпы білім беретін пәндер кафедрасының жаңа жобасы, ол студенттер мен оқытушыларды ынтымақтастық пен өзара қарым-қатынастардың жаңа форматына шақырады.

Бізді бірінші курс студенттерінің «Әңгімелерімізді» күткендері және сұхбатқа дайын болғаны таңғалдырды. Спикерлер профессор И.М. Ақылбаева және ҚЖМ 2-курс студенті Н. Айменов болды. Студенттер пікірталасқа белсенді қатысып, дәстүрлі құндылықтарды, әсіресе қонақжайлылық пен құрметті сақтау мәселесіне қатысты өз түсініктерімен бөлісті. Сондай-ақ 1-курс студенттерінің әлеуметтік бейімделу мәселелерін талқылады. Оқытушылар мен студенттер қарапайым адамзат құндылықтары жайында ашық сөйлесті.