Достар!
КАЗГЮУ Университетінде «Кел, қазақша сөйлесейік!» атты онлайн және офлайн қазақша сөйлеу клубы ашылды. Біздің кездесулерде сіз өзекті тақырыптарды талқылап, сөйлесу арқылы тілдік кедергіні жеңе аласыз.

Жобаның оқыту әдістемесі коммуникативтік тәсілдерге негізделіп, қатысушылардың сөйлеу дағдысын жетілдіріп, практикалық қазақ тілінің деңгейін арттыруға бағытталған. Сонымен қатар лексика мен грамматиканы сөйлеу барысында еркін пайдаланып, сөйлеу алдындағы психологиялық кедергілерден арылуға көмектеседі.

Қазақ тілінде еркін сөйлеу үшін оқытушылардың маңызы ерекше. Сабақтар легін қазақ тілінің білікті оқытушылары, ҚАЗТЕСТ сертификатының жоғары (С1) деңгейінің иегерлері жүргізеді.

Офлайн кездесу 18 қаңтар күні, сағат 13:30-да, 412-аудиторияда өтеді, ал онлайн кездесу 21 қаңтар күні, сағат 18:00-де ZOOM платформасында өтеді.
http://bit.ly/qazsoile сілтемесі арқылы тіркеле аласыз.