Студенттерге отаншылдық, ғылыми адалдық тәрбие беру мақсатында КАЗГЮУ Университетінде Қазақстан Жазушылар одағының мүшелері белгілі  ақындар Дәулетбек Байтұрсынұлы мен Саят Қамшыгермен үлкен поэзия күні өтті.

Алматыдан келген қонақтар таңертең университет ректорымен бірге Қайырымдылық жәрмеңкесіне қатысып, мұражайды, аналогы жоқ зертханаларды аралады. Түстен кейін Үлкен Ғылым залында поэзия кешімен жалғасты. Ақындар кездесу барысында студенттерге қазіргі заман тұлғасының моделіне қатысты құнды ойларымен бөлісті.

Кеште ЖББП жТД ЖМ директоры Р.Қ.Жолаев, Қазақ және орыс тілдері кафедрасының меңгерушісі Ұ.О.Еркінбаев, доцент А.Ж.Зекенова, «Көкжиек» әдеби-танымдық үйірмесінің жетекшісі М.Б.Прімбетова келген қонақтарға жылы лебіздерін жеткізді.