Жалпы білім беру пәндері департаменті бірінші курс студенттеріне Қазақстанның киелі жерлеріне тарихи-танымдық экскурсиялар ұйымдастыра отырып, еліміздің сәулет, тарих және мәдениет ескерткіштеріне барудың, ата-бабалар мұрасымен, олардың салт-дәстүрлерімен тікелей танысудың бірегей мүмкіндігін ұсынады. 

Қазақстан тарихы пәні оқытушылары мынандай мақсаттарды көздеуде: 

– алынған теориялық білімді нақты оқиғаларды түсіну, қатысу, эмпатия және тарихты терең білу арқылы іс жүзінде бекіту; 

– отансүйгіштік сезімін, өз Отанына деген мақтаныш сезімін ояту; 

– қоғамда туған өлкенің тарихын насихаттай білу. 

Нәтижесінде студенттер: 

– қазіргі қазақстандықтың мінез-құлық Кодексімен ұлттық салт-дәстүрлер мен әдет-ғұрыптар арасындағы байланысты таба алады; 

– ұлттық дәстүрлердің отбасындағы, кәсіптегі, корпоративтік этикадағы, қоғамдағы, мемлекеттегі құндылықтар негізі ретіндегі маңызын түсінеді; 

– кейс-жағдаят шешімі арқылы әртүрлі тарихи жағдайлар бойынша қорытындылар тұжырымдап, тәуелсіз шешімдер қабылдай алады; 

– алған білімдерін патриот, белсенді азаматтық ұстанымы бар тұлға ретінде жеке ұстанымын қалыптастыру және дәлелдеу үшін пайдаланады. 

Киелі орындарға барған кезде студенттер оқиғалардың тарихи жағдайын шын мәнінде көз алдарына елестете алады, оны шешудің балама жолдарын іздеуге тырысады. Мұның бәрі болашақта өздерін тұлға, кәсіби маман ретінде жүзеге асыруға мүмкіндік береді.  

Қазақстандық қоғамда өз орнын тауып, анықтай отырып, жастар әлемдік қоғамдастықта лайықты орын алады.  

Тарихи экскурсиялар театрландырылған қойылымдармен қатар білім беру нарығында MAQSUT NARIKBAYEV UNIVERSITY-індегі оқытудың және орналастырудың инновациялық әдістерін дамытып, ілгерілетуге ықпал етеді.  

Тарихи экскурсиялардың бағыттары: 

– Қазақтардың әдеттегі құқығы: Түркістан және Ұлытау – қазақ хандарының ордалары. 

– Ұлы Жібек жолы және Қазақстанның оңтүстік қалалары тарихи-экономикалық және туристік кластер ретінде. 

– Алтай – түркі өркениетінің бесігі. 

– Көкше аңыздары. 

– АЛЖИР, КАРЛАГ мұражайлары, Қазақстан Республикасының Ұлттық мұражайы, ашық аспан астындағы мұражай (Ботай-Бурабай). 

– Рухани бастауларға (Батыс Қазақстан). 

– Астана – Қазақстан астанасының тарихи ескерткіштері, Сырымбет мекені, Қабанбай батыр кесенесі.